سعید بن المسیب (رح) فرماتے تھے کہ مذبوحہ جانور کے پیٹ کا جو بچہ ہو اس کا ذبح کرنا بعینہ وہی ہے جو اس کی ماں کا ذبح کرنا ہے۔ جبکہ اس کے بال اگ آئے ہوں اور اس کے اعضاء پورے ہوگئے ہوں۔ ( ان دونوں آثار کو امام مالک باب ما یکرہ من الذبیحۃ فی الذکاۃ میں لائے ہیں)
قول محمد (رح) یہ ہے : ہم اسی کو اختیار کرنے والے ہیں۔ جبکہ اس کے اعضاء پورے طور پر تیار ہوچکے ہوں تو اس کی ماں کا ذبح کرنا خود اس کا ذبح کرنا ہے۔ اس کے کھانے میں کوئی حرج نہیں ہے لیکن امام ابوحنیفہ (رح) اس کے کھانے کو مکروہ قرار دیتے ہیں۔ البتہ اگر وہ زندہ نکل آئے اس کو ذبح کرلیا جائے تو پھر ان کے کھانے میں کراہت نہیں۔ ابراہیم نخعی رحمہ الہ کا قول یہی ہے کہ ایک کا ذبح کرنا دو ذبح کرنا نہیں ہوسکتا۔