ابو غطفان (رح) نے بتلایا کہ مروان بن حکم نے مجھے ابن عباس (رض) کی خدمت میں بھیجا کہ ڈاڑھ کی دیت کیا ہے ؟ ابن عباس (رض) نے فرمایا۔ اس کی دیت پانچ اونٹ ہیں۔ مروان نے مجھے ابن عباس (رض) کی طرف دوبارہ بھیجا کہ ڈاڑھ کو دانتوں کے برابر کیوں کرتے ہیں۔ ابن عباس (رض) نے فرمایا۔ اگر تم دانتوں کو انگلیوں کے برابر قیاس کرتے تو تمہارے لیے کافی ہوتا کیونکہ تمام انگلیوں کی دیت برابر ہے۔
قول محمد (رح) یہ ہے : ہم ابن عباس (رض) کے قول کو اختیار کرتے ہیں۔ کہ دانتوں کی دیت اور انگلیوں کی دیت دونوں برابر ہیں۔ ہر انگلی کی دیت اصل دیت کا دسواں حصہ ہے۔ اور ہر دانت کی دیت اصل دیت کا بیسواں حصہ ہے۔ یہی امام ابوحنیفہ (رح) اور ہمارے عام فقہاء کا قول ہے۔