سہل بن ابی حثمہ بیان کرتے ہیں کہ مجھے میری قوم کے بڑے لوگوں نے بیان کیا کہ عبداللہ بن سہل اور محیصہ دونوں غربت کی وجہ سے خیبر گئے۔ کسی نے آکر محیصہ کو خبر دی کہ عبداللہ کو قتل کردیا گیا ہے اور ان کو کسی چشمے یا کنوئیں میں پھینک دیا گیا ہے تو محیصہ یہود کے پاس آئے اور کہا تم نے اسے قتل کیا ہے انھوں نے انکار کیا اور کہا اللہ کی قسم ہم نے اسے قتل نہیں کیا۔ پہر وہ اپنی قوم کے پاس آئے اور ان سے یہ واقعہ بیان کیا۔ پھر وہ اور ان کے بڑے بھائی حویصہ اور عبد الرحمن بن سہل خیبر گئے اور وہ بات کرنے لگے اور وہ خیبر میں تھے تو رسول اللہ (صلی اللہ علیہ وآلہ وسلم) نے فرمایا بڑا، بڑأ یعنی جو تم میں عمر میں بڑا ہے وہ گفتگو کرے چنانچہ حویصہ (رض) نے گفتگو کی پھر محیصہ (رض) عنہنے کی ۔ تو اس پر رسول اللہ (صلی اللہ علیہ وآلہ وسلم) نے ارشاد فرمایا۔ کہ وہ تمہارے بھائی کی دیت ادا کریں۔ یا اعلان جنگ کردیں۔ آپ (صلی اللہ علیہ وآلہ وسلم) نے اس کے متعلق یہود خیبر کو لکھا۔ انھوں نے رسول اللہ (صلی اللہ علیہ وآلہ وسلم) کے جواب میں تحریر کیا کہ اللہ کی قسم ! ہم نے انھیں قتل نہیں کیا۔ تو رسول اللہ (صلی اللہ علیہ وآلہ وسلم) نے حویصہ اور محیصہ (رض) اور عبد الرحمن (رض) سے کہا کہ یہود تمہارے لیے قسم کھائیں گے۔ انھوں نے عرض کیا یا رسول اللہ (صلی اللہ علیہ وآلہ وسلم) وہ تو مسلمان نہیں۔ پھر رسول اللہ (صلی اللہ علیہ وآلہ وسلم) نے اپنے پاس سے اس کی دیت ادا کی۔ انھیں سو اونٹنیاں بھیجیں۔ یہاں تک مہ وہ مرے گھر میں داخل ہوگئیں۔ سہل بن ابی حثمہ کہتے ہیں کہ ان میں سے ایک سرخ اونٹنی نے مجھے لات مار دی تھی۔
قول محمد (رح) یہ ہے : کہ رسول اللہ (صلی اللہ علیہ وآلہ وسلم) نے فرمایا قسم کھاؤ۔ اور دیت کے مالک ہوجاؤ۔ اس سے مراد قصاص نہیں بلکہ دیت ہے۔ اس پر آپ کا وہ اراشد دلالت کررہا ہے۔ جو ابتداء روایت میں آپ (صلی اللہ علیہ وآلہ وسلم) نے فرمایا۔ کہ یہود دیت ادا کریں یا جنگ کریں۔ اور اس پر آپ کا یہ ارشاد بھی دلالت کرتا ہے جو آپ نے ارشاد کے آخر میں فرمایا ہے کہ ” تحلفون و تستحقون دم صاحبکم “ اس لیے کہ ” دم “ کا استحقاق کبہی تو دیت کے ذریعہ ہوتا ہے اور کبھی قصاص کے ذریعہ ہوتا ہے۔ اور اس لیے بھی کہ رسول اللہ (صلی اللہ علیہ وآلہ وسلم) نے انھیں یہ نہیں فرمایا کہ قسم کھائیں اور دم کے مستحق ہوجائیں۔ اگر یہ فرماتے تو اس سے مراد قصاص ہوتا بلکہ یہ فرمایا کہ اپنے ساتھی کے دم کے مستحق ہوجاؤ۔ یعنی دیت کے ذریعہ اپنے ساتھی کے خون کے مستحق ہوجاؤ۔ اور اس بات پر یہود کے متعلق یہ ارشاد بھی دلالت کرتا ہے یا تو اپنے ساتھی کی دیت ادا کردیں یا علان جنگ کردیں۔ حضرت عمر (رض) نے فرمایا کہ قسامت دیت کو واجب کرتی ہے۔ خون کو باطل نہیں کرتی۔ یہ بات تو بہت سی روایات میں وارد ہے۔ اور اس کو ہم اختیار کرتے ہیں۔ یہی امام ابوحنیفہ (رح) اور ہمارے عام فقہاء کا قول ہے۔
قسامت : جب محلہ میں قتل ہوجائے اور قاتل نامعلوم ہوں تو اہل محلہ میں سے معتبر آدمی قسم دیں کہ نہ انھوں نے قتل کیا ہے یاور ان کو قاتل کا علم ہے۔