سعید بن المسیب (رح) کہا کرتے تھے کہ جب حضرت عمر (رض) اپنے آخری سفر حج میں منی سے مقام ابطح میں آئے تو آپ نے اپنے اونٹ کو بٹھایا۔ کنکریوں کا ڈھیر لگار اپنی چادر اس پر پھیلادی اور اس پر خود لیٹ گئے۔ آپ نے اپنے دونوں ہاتھ آسمان کی طرف پھیلادئیے اور عرض کیا۔ اے میرے اللہ ! میں بوڑھا ہو کیا ہوں۔ میری قوت کمزور ہوگئی ہے اور میری رعایا بہت دور تک پھیل چکی ہے۔ مجھے اپنے پاس اس حال میں بلا لے کہ میں تیرے احکام کو نہ ضائع کرنے والا اور نہ ان میں حد سے گزرنے مالا بنوں۔ پھر يپ مدینہ منورہ تشریف لائے اور لوگوں کے سامنے خطبہ دیا اے لوگو ! تمہارے لیے طریقے مقرر کیے جا چکے اور فرائض تمہارے ذمے لاگو ہوچکے ہیں۔ میں نے تم کو ایک واضح راستہ پر چھوڑا ہے۔ پھر آپ نے اپنا ایک ہاتھ دوسرے پر مارتے ہوئے فرمایا۔ خبردار ! لوکوں کے ساتھ دائیں بائیں گمراہ نہ ہوجانا۔ پھر فرمایا۔ خبردار ! تم آیت رجم کے متعلق ہلاکت میں مبتلا نہ ہوجانا۔ کہ تم میں سے کوئی شخص یہ کہے کہ ہم کتاب اللہ میں رجم کی آیت نہیں پاتے۔ واقعہ یہ ہے کہ رسول اللہ (صلی اللہ علیہ وآلہ وسلم) نے رجم کیا اور ہم نے رجم کیا۔ قسم ہے اس ذات کی جس کے قبضہ قدرت میں میری جان ہے۔ اگر یہ ڈر نہ ہوتا کہ لوگ کہیں کے کہ عمر نے کتاب اللہ میں اضافہ کردیا ہے تو میں اس میں لکھ دیتا ۔ اشیخ والشیخۃ اذا زنیا فارجموہما البتہ۔ ہم نے تو اس کو پڑھا ہے۔ سعید بن المسیب (رح) کہتے ہیں کہ اپہی ذو الحجہ کا مہینہ گزرنے نہ پایا تھا کہ حضرت عمر (رض) کو شہید کردیا گیا۔ ( اس روایت کو امام مالک نے معمولی الافظ کے فرق سے باب ما جاء فی الرجم میں ذکر کیا ہے) ۔