ابو الزناد بیان کرتے ہیں کہ حضرت عمر بن عبد العزیز (رح) نے ایک غلام کو قذف کے جرم میں اسی کوڑے لگائے۔ ابو الزناد کہتے ہیں میں نے عبداللہ بن عامر (رح) سے دریافت کیا تو انھوں نے کہا کہ میں نے حضرت عثمان ر ضی اللہ عنہ اور دوسرے خلفاء کا زمانہ پایا ہے۔ میں نے کسی کو نہیں دیکھا کہ انھوں نے غلاموں کو چالیس سے زیادہ کوڑے لگائے ہوں۔
قول محمد (رح) یہ ہے : ہم نے اسی کو اختیار کیا ہے۔ کہ قذف میں غلام کو آزاد کی نصف حد یعنی چالیس کوڑے مارے جائیں گے۔ امام ابوحنیفہ (رح) اور ہمارے عام فقہاء کا یہی قول ہے۔