قاسم نے ام المؤمنین عائشہ (رض) عنہا سے نقل کیا کہ ہم رسول اللہ (صلی اللہ علیہ وآلہ وسلم) کے ساتھ سفر میں نککلیں۔ چلتے ہوئے ہم بیداء یا ذات الجیش کے مقام پر پہنچے تو میرا ایک ہار گم ہوگیا۔ پس رسول اللہ (صلی اللہ علیہ وآلہ وسلم) اس کی تلاش کے لیے ٹھہر گئے۔ وہاں پانی کا کوئی چشمہ نہ تھا اور لوگوں کے پاس پانی بھی موجود نہ تھا۔ پس لوگ صدیق اکبر (رض) کے پاس گئے اور کہنے لگے کیا آپ دیکھتے نہیں کہ عائشہ نے کیا کیا ہے ؟ اس نے رسول اللہ (صلی اللہ علیہ وآلہ وسلم) اور لوگوں کو روک دیا ہے۔ حالانکہ لوگ کسی تالاب بر نہیں اور نہی ان کے پاس پانی ہے۔
حضرت عائشہ کہتے ہیں کہ ابوبکر (رض) آئے اور اس وقت رسول اللہ (صلی اللہ علیہ وآلہ وسلم) اپنا سر مبارک میری ران پر رکھ کر آرام فرما رہے تھے۔ پس ابوبکر نے فرمایا گ تو نے رسول اللہ (صلی اللہ علیہ وآلہ وسلم) کو روک دیا ہے اور لوگوں کو بھی روک دیا ہے حالانکہ نہ لوگ کسی چشمہ پر ہیں اور نہ ہی ان کے پاس پانی موجود ہے۔ حضرت عائشہ کہتی ہیں کہ مجھے ابوبکر (رض) نے عتاب کیا اور جو کہنا تھا وہ کہا اور میرے پہلے میں کچو کے دئیے جن کی وجہ سے میں صرف اس لیے حرکت نہ کرتی تھی کیونکہ رسول اللہ (صلی اللہ علیہ وآلہ وسلم) کا سر مبارک میری ران پر تھا۔ پھر رسول اللہ (صلی اللہ علیہ وآلہ وسلم) صبح تک سوئے اور پانی موجود نہ تھا۔ اس پر اللہ تعالیٰ نے آیت تیمم نازل فرمائی، اور لوگوں نے تیمم کیا۔ تو اسید بن حضیر (رض) کہنے لگے اے آلِ ابی بکر ! یہ تمہاری پہلی ہی برکت نہیں ہے (بلکہ تمہاری وجہ سے پہلے بھی بہت برکات امت کو حاصل ہوئی ہیں) حضرت عائشہ (رض) عنہا کہتے ہیں کہ جب ہم نے اونٹ اٹھایا تو ہار اس کے نیچے پایا گیا۔ (مؤطا مالک میں یہ روایت باب التیمم میں مذکور ہے)
قول محمد (رح) یہ ہے : ہم اسی کو اختیار کرتے ہیں۔ تیمم دو ضربات ہیں ایک چہرے کیلئے اور ایک ہاتھوں (کہنیوں سمیت) کے لیے امام ابوحنیفہ (رح) کا بھی یہی قول ہے۔