ابو سفیان غلام نے ابوہریرہ (رض) سے نقل کیا کہ رسول اللہ (صلی اللہ علیہ وآلہ وسلم) نے پانچ وصق میں یا کم میں بیع عرایا کی اجازت دی ہے۔ داؤد کو شک ہے کہ سفیان نے پانچ وسق کہا یا پانچ سے کم کہا۔ (ان دونوں روایات کو امام مالک (رح) نے مؤطاء میں باب ما جائی فی بیع العریۃ میں ذکر کیا ہے)
قول محمد (رح) یہ ہے : ہم اسی کو اختیار کرتے ہیں۔ امام مالک (رح) نے عریہ کی تعریف یہ کی ہے کہ کسی شخص کے پاس کھجور کا درخت ہو۔ وہ کسی محتاج کو ایک یا جو کھجور کے درختوں کا پھل اس کے بیوی بچوں کے لیے دے دے پھر اسے اس کا باغ میں بار بار آنا پسند نہ آئے تو وہ اس شخص سے کہے کہ وہ پہل توڑنے کے وقت برابر وزن کے کے کھجور اس محتاج کو دے دے گا۔ ان تمام صورتوں میں ہمارے ہاں کوئی مضائقہ نہیں۔ کیونکہ دینے والا خود کھجور کا مالک ہے خواہ اس کے برابر خشک کرکے ماپ کردے۔ یہ فروخت نہیں ہے۔ اگر بطور بیع دے دے تو کھجور کی بیع کھجور کے عوض مہلت کے ساتھ جائز نہیں ہے۔