عبداللہ بن یزید بیان کرتے ہیں کہ بنی زہرہ کے غلام زید ابو عیاش نے مجھے بیان کیا کہ میں نے سعد بن ابی وقاص (رض) سے جو کہ غلہ کے بدلے فروخت کرنے کے متعلق دریافت کیا۔ سعد نے سوال کیا کہ ان میں سے بہتر کو نسان ہے ؟ میں نے کہا بیضا بہہتر ہے۔ تو سعد نے مجھے اس سے منع کردیا۔ اور کہا میں نے رسول اللہ (صلی اللہ علیہ وآلہ وسلم) سے سنا جب کہ آپ (صلی اللہ علیہ وآلہ وسلم) سے تر کھجور کے بدلے خشک کھجور خریدنے کا سوال کیا گیا ۔ تو آپ (صلی اللہ علیہ وآلہ وسلم) نے ارشاد فرمایا۔ کیا تر کھجور خشک ہونے کے بعد کم ہوجاتی ہے ؟ لوگوں نے کہا۔ جی ہاں ! آپ (صلی اللہ علیہ وآلہ وسلم) نے اس طرح فروخت سے منع فرمایا۔ ( اس روایت کو باب ما یکرہ من بیع التمر میں امام مالک لائے ہیں)
قول محمد (رح) یہ ہے : ہم اسی کو اختیار کرتے ہیں۔ اس میں کوئی بھلائی نہیں ہے کہ ایک شخص ایک قفیز تر کھجور کے دے کر ایک قفیز خشک کھجور کا لے۔ کیونکہ تر کھجور خشک ہو کر ایک قفیز سے کم رہ جائے گی۔ اس لیے یہ بیع فاسد ہوجاتی ہے۔