نافع (رح) نے ابن عمر (رض) سے نقل کیا کہ رسول اللہ (صلی اللہ علیہ وآلہ وسلم) نے ارشاد فرمایا۔ حو شخص غلہ خریدے جب تک وہ قبضہ نہ کرے وہ اسے فروخت نہ کرے۔
قول محمد (رح) یہ ہے : ہمارا مختار یہی ہے۔ اسی طرح غلہ ہو یا اور کوئی چیز۔ مناسب نہیں کہ خرید کر قبضلہ کرنے کے بغیر اس کو فروخت کردیا جائے۔ ابن عباس (رض) نے بہی یہی کہا ہے کہ جس شے کو قبضہ سے پہـلے فروخت کرلے اس سے رسول اللہ (صلی اللہ علیہ وآلہ وسلم) نے منع فرمایا ہے اگرچہ یہ غلہ کے متعلق ہے مگر ہم تمام اشیاء کو اسی طرح تصور کرتے ہیں۔ تمام اشیاء ( منقولہ) کو خریدار کے قبضہ کرنے کے بغیر فروخت کرنا جائز نہیں ہے۔ امام ابوحنیفہ (رح) کا بہی یہی قول ہے۔ مگر انھوں نے غیر منقولہ اشیائ ( مکان، زمین وغیرہ) قبضہ سے پہلے فروخت کی اجازت دی ہے۔ مگر ہم ان چیزوں میں بھی کسی چیز کو قبضہ کے بغیر فروخت کرنا جائز نہیں سمجھتے۔