سلیمان بن یسار (رح) نے بتایا کہ عبد الرحمن بن اسود بن عبد یغوث کی سواری کے جانور کا چارہ ختم ہوگیا۔ تو اس نے اپنے غلام کو کہا کہ گہر سے گندم لے جاء اور اس کے بدلے برابر برابر جو خردی لا کم یاد زیادہ نہ ہوں۔
(اس روایت کو باب بیع الطعام بالطعام میں امام مالک لائے ہیں)
قول محمد (رح) یہ ہے : ہمارے ہاں اس میں کوئی حرج نہیں کہ کوئی شخص دست بدست ایک قفیز گندم کے بدلے دو قفیز جو خریدے ۔ اس کے متعلق عبادہ بن صامت رضی اللالہ عنہ کی مشہور روایت ہے۔ کہ رسول اللہ (صلی اللہ علیہ وآلہ وسلم) نے فرمایا۔ سونا سونے کے بدلے، چاندی چاندی کے بدلے، گندم گندم کے بدلے اور جو جو کے بدلے برابر برابر فروخت کرے اور خریدے۔ اور اس میں کوئی حرج نہیں کہ کوئی شخص سونا زیادہ چاندی کے بدلے اور گندم زیادہ جو کے بدلے دست بدست خریدے۔ اس کے متعلق اور بہت سے مشہور روایات ہیں یہی امام ابوحنیفہ (رح) اور ہمارے عام فقہاء کا قول ہے۔