ابو الزناد نے نقل کیا کہ سعید بن المسیب (رح) نے فرمایا کہ گوشت کے بدلے جانور کی فروخت ممنوع ہے۔ میں نے سعید بن المسیب (رح) سے عرض کیا کہ اگر کوئی شخص ایک اونٹ دس بکریوں کے بدلے خریدے تو کیا حکم ہے۔ انھوں نے کہا اگر اسے ذبح کرنے کے لیے خریدتا ہے تو اس میں کوئی خیر نہیں۔ ابو الزناد کہتے ہیں میں نے جن لوگوں کو پایا وہ گوشت کے بدلے حیوان کی بیع سے منع کرتے تھے۔ ابان اور ہشام کے زمانہ میں حکام کے پروانوں پر اس کی ممانعت درج ہوتی تھی۔ اس روایت کو امام مالک (رح) نے باب بیع الحیوان باللحم میں ذکر کیا ہے۔