سعید بن المسیب فرماتے ہیں کہ مجھے یہ روایت پہنچی ہے کہ جناب رسول اللہ (صلی اللہ علیہ وآلہ وسلم) نے گوشت کے بدلے جانور فروخت کرنے کو منع فرمایا۔ ( ان آثار کو امام مالک نے باب بیع الحیوان باللحم میں ذکر فرمایا ہے)
قول محمد (رح) یہ ہے : ہم اسی کو اخیتار کرتے ہیں کہ اگر کسی شخص نے بکری کا گوشت زندہ بکری کے بدلہ میں فروخت کیا تو اسے معلوم نہیں کہ وہ گوشت جو اسے بکری سے ملے گا۔ زیادہ ہے یا کم۔ پس یہ بیع فاسد اور مکروہ ( تحریمی) ہے۔ اور یہ مزابنہ اور محاقلہ کی طرح ہے۔ اسی طرح زیتون کی بیع زیتون کے تیل کے عوض اور تل کی بیع تل کے تیل کے عوض فاسد ہے۔