نافع (رح) نے ابن عمر (رض) سے روایت نقل کی ہے کہ وہ فرماتے تھے کہ آدمی اس لونڈی سے مباشرت کرے۔ جس کو وہ چاہے تو فروخت کردے اور چاہے تو ہبہ کردے اور اس کے متعلق جو چاہے سو کرسکتا ہو۔ ( مشروع نہ ہو) (ان دونوں روایات کو امام مالک نے باب ما یفعل فی الولیدہ میں ذکر کیا ہے)
قول محمد (رح) یہ ہے : کہ ہم اسی کو اختیار کرتے ہیں اور اس کی وضاحت اس طرح ہے کہ غلام کو لونڈی رکھنا جائز نہیں کیونکہ اکر وہ اس کو ہبہ کرے تو اس کا ہبہ نافذ نہ ہوگا۔ جس طرح آزاد کا ہبہ نافذ ہوتا ہے۔ عبداللہ بن عمر (رض) کے قول کا یہی مطلب ہے اور یہی امام ابوحنیفہ (رح) اور ہمارے عام فقہاء کا قول ہے۔