حنظلہ انصاری (رح) نے خبر دی کہ میں نے رافع بن خدیج (رض) سے کھیتوں کے کرایہ کے متعلق دریافت کیا۔ انھوں نے فرمایا اس سے منع کیا گیا ہے۔ حنظلہ کہتے ہیں میں نے دوسرا سوال سونے چاندی کے متعلق کیا تو انھوں نے فرمایا چاندی و سونے کے بدلے میں کرایہ پر دینے میں کوئی مضائقہ نہیں ہے
(اس روایت کو کتاب کر اء الارض میں امام مالک نے ذکر کیا ہے)
قول محمد (رح) یہ ہے : ہمارا مختار یہی قول ہے۔ سونے چاندی اور گندم کے بدلے زمین کرایہ بر دینے میں کوئی حرج نہیں جبکہ وزن اور جنس معلو ہو۔ یہ شرط نہ کی ہو کہ جو کچھ زمین سے پیدا ہوگا وہ دے دے گا۔ اکر یہ شرط ٹھہرائی کہ جو زمین سے پیدا ہوگا اس میں سے اس قدر دے دوں گا۔ تو اس میں کوئی اچھائی نہیں ہے۔ یہی امام ابوحنیفہ رحمہ الل ٩ ہ اور ہمارے یعام فقہاء کا قول ہے۔ اور سعیدبن جبیر سے ایک مقررہ مقدار گندم کے بدلے زمین کرایہ پر دینے کے متعلق دریافت کیا گیا تو انھوں نے اس کی اجازت دے دی۔ انھوں نے فرمایا یہ یہ اس طرح ہے جیسے مکان کرایہ پردے دیا جاتا ہے ( مزارعت کی اس صورت کے تمام علماء احناف قائل ہیں امام صاحب کا اختلاف صرف بٹائی میں ہے۔ امام صاحب کے ہاں زمین سے حاصل ہونے والی فصل کے ثلث ، ربع پر زمین کو کرائے پر دینا درست نہیں اس کو مخابرت کہا جاتا ہے اور اسی کی ممانعت احادیث میں آتی ہے۔ مزارعت کو سب جائز مانتے ہیں)