عمرہ بنت عبد الرحمن (رض) عنہا نقل کرتی ہیں کہ رسول اللہ صلی اللہ علیہ سولم کی زوجہ محترمہ عائشہ صدیقہ (رض) عنہا نے ایک لونڈی کی مدبرہ بنایا تھا حضرت عائشہ (رض) عنہا اس کے بعد بیمار پڑگئیں اور جب تک اللہ تعالیٰ نے چاہا بیمار ہیں۔ ایک سندی بھی ٧٧ ان کے پاس آیا اور کہنے لگا آپ پر جادو کیا گیا ہے۔ حضرت عائشہ (رض) عنہا نے اس کو فررمایا تیرا برا ہو مجھ پر کون جادو کرے گا ؟ اس نے کہا ایک عورت جو ایسی ایسی ہے۔ اس نے اس کا پورا حلیہ بیان کردیا۔ اس نے کہا اس وقت اس کی گود میں بچہ ہے اور اس نے پاشعب کیا ہوا ہے۔ حضرت عائشہ (رض) عنہا نے حکم دیا کہ فلاں لونڈی کو میرے پاس لاؤ۔ جو ان کی خدمت کرتی تھی۔ ( اس کا حلیہ وہی تھا) لوگوں نے اسے ان کے پڑوس میں پالیا اس کی گود میں بچہ تھا۔ وہ بولی ابھی آتی ہوں۔ اس بچہ کے پیشاب کو دھولوں۔ جب پیشا دھوچ کی تو آئی۔ حضرت عائشہ (رض) عنہا نے اس سے فرمایا۔ کیا تو نے مجھ پر جادو کیا ہے ؟ اس نے اقرار کرلیا۔ انھوں نے دریافت کیا کیوں ؟ وہ کہنے لگی میں آزاد ہونا چاہتی تھی۔ آپ نے فرمایا۔ اللہ کی قسم تم کبھی آزاد نہ ہوگی۔ پھر آپ نے اپنے بھتیجے کو حکم دیا کہ اس کو کسی ایسے بدو کے ہاتھ فروخت کردو جو اس کو تکلیف میں رکھے۔ اس کے بعد اس کی قیمت کا غلام خرید کر اس کو آزاد کردو۔
عمرہ بیان کرتی ہیں کہ حضرت عائشہ (رض) عنہا بیماری کی حالت میں رہیں۔ جب تک اللہ تعالیٰ نے چاہا۔ پھر انھوں نے خواب میں دیکھا تم ان تین کنوؤں کے پانی سے غسل کرو۔ جن کا پانی ایک دوسرے سے ملتا ہے۔ تو تم شفایاب ہوجاؤگی۔ حضرت عائشہ (رض) عنہا کی خدمت میں اسماعیل بن ابوبکر اور عبد الرحمن بن سعد بن زائدہ آئے تو حضرت عائشہ (رض) عنہا نے ان سے اس خواب کا تذکرہ فرمایا۔ وہ دونوں اس جگہ گئے جہاں سے پانی نکلتا تھا۔ وہاں انھوں نے تین کنوئیں پائیں۔ جن کا پانی ایک دوسرے سے ملتا تھا ۔ انھوں نے ہر کنوئیں سے تہائی مشک بھری۔ جب مشک پانی سے بھر گئی تو وہ بھری ہوئی مشک حضرت عائشہ (رض) عنہا کی خدمت میں لائے۔ انھوں نے اس سے غسل کیا تو وہ شفا یاب ہوگئیں۔
قول محمد (رح) یہ ہے : کہ مدبر کی فروخت جائز نہیں ہے۔ یہی زید بن ثابت اور ابن عمر (رض) کا قول ہے اور ہم اسی کو اختیار کرتے ہیں۔ امام ابوحنیفہ (رح) اور ہمارے اکثر فقہاء کا قول یہی ہے۔