یحییٰ بن سعید کہتے ہیں کہ سعید بن المسیب (رح) کہتے تھے کہ گھوڑ دوڑ میں کوئی مضائقہ نہیں۔ جب کہ ان کے درمیان ایک ( تیسرا) محلل ہو اگر آگے نکل جائے تو وہ لے گا۔ لیکن پیچھے رہ جائے تو اس پر کجھ واجب نہ ہوگا۔
قول محمد (رح) یہ ہے : ہم اسی کو اختیار کرتے ہیں۔ ایسی گھڑ دوڑ ممنوع ہے کہ جس میں دونوں میں سے ہر ایک یہ شرط کرے کہ جس کا گھوڑا آگے نکل گیا وہ روپیہ لے گا۔ یہ جوئے کی طرح ہوجائے گا اکر دونوں میں سے ایک کی طرف سے شرط ہو یا تین مقابلے والے ہوں اور دو کی طرف سے شرط ہو تیسرے کی طرف سے کچھ نہ ہو ۔ کہ اگر وہ آگے بڑھ گیا تو روپیہ لے لے گا۔ لیکن پیجھے رہنے کی صورت میں اس پر کچھ بہی واجب نہ ہوگا۔ تو اس میں کوئی حرج نہیں اور سعید بن المسیب نے جو محلل کہا اس سے یہی مراد ہے۔