محمد بن عبد القاری ر حمہ اللہ نے بیان کیا کہ ایک شخص ابو موسیٰ اشعری (رض) کی طرف سے حضرت عمر (رض) کی خدمت میں آیا۔ آپ نے اس سے وہاں کے حالات دریافت کیے ۔ اس نے بیان کیے۔ آپ نے پھر دریافت کیا تمہارے پاس کوئی نئی خبر ہے ؟ اس نے کہا ہاں۔ کہ ایک شخص نے اسلام کے بعد کفر اختیار کرلیا۔ يپ نے دریافت کیا پھر تم نے اس کے ساتھ کیا سلوک کیا۔ اس نے کہ ان ہم نے اس کی گردن اڑادی۔ حضرت عمر (رض) نے کہا تم نے اسے ایک گھر میں تین دن کے لیے کیوں نہ بند کردیا ؟ اور اسے بقدر ضرورت کھانا کھاتے اور توبہ کی ترغیب دیتے ۔ شاید وہ توبہ کرلیتا اور اللہ تعالیٰ کے حکم کی طرف لوٹ آتا ۔ پھر فرمایا اے اللہ ! میں نے اس کا حکم نہیں دیا۔ نہ میں وہاں موجود تھا۔ اور نہ میں اس سے خوش ہوا جب مجھے معلوم ہوا۔
قول محمد (رح) یہ ہے : کہ امام کو چاہیے کہ اسے تین دن روک لے اگر توبہ کی امید ہو۔ یا مرتد خود امام سے اس کی درخواست کرے۔ اکر اس سے ( توبہ کی) امید نہ ہو تو یا مرتد امام سے درخواست نہ کرے تو پھر اس کو قتل کردیا جائے۔ تو اس میں کوئی مضائقہ و حرج نہیں ہے۔