اسحاق بن عبداللہ بن ابی طلحہ نے انس بن مالک (رض) سے نقل کیا کہ ابو طلحہ (رض) نے ام سلیم سے کہا کہ میں نے رسول اللہ (صلی اللہ علیہ وآلہ وسلم) کی آواز بہت مدہم سنی ہے۔ میں اس کی وجہ سے محسوس کرتا ہوں کہ آپ (صلی اللہ علیہ وآلہ وسلم) کو بھوک لگی ہے۔ کیا تمہارے پاس کچھ ہے۔ انھوں نے کہا ہاں۔ تو ام سلیم (رض) عنہا نے جو کی روٹیاں لیں۔ پھر اپنا دوپٹہ لے کر اس کے کونے میں چند روتیاں لپیٹ دیں۔ اور وہ روٹیاں میری بغل میں دباکر اوڑھنی کا کچھ حصہ مجھ پر ڈال دیا۔ پھر ام سلیم نے مجھے دے کر رسول اللہ (صلی اللہ علیہ وآلہ وسلم) کی خدمت میں بھیجا۔ میں رسول اللہ (صلی اللہ علیہ وآلہ وسلم) کی خدمت میں حاضر ہوا۔ میں نے دیکھا کہ آپ (صلی اللہ علیہ وآلہ وسلم) مسجد میں تشریف فرما تھے۔ اور ان کے پاس بہت سے آدمی بیٹھے تھے۔ میں آپ (صلی اللہ علیہ وآلہ وسلم) کے پاس کھڑا ہوگیا۔ آپ (صلی اللہ علیہ وآلہ وسلم) نے فرمایا۔ کیا تمہیں ابو طلحہ (رض) نے بھیجا ہے ؟ میں نے کہا جی ہاں۔ پھر فرمایا کیا کھانے کی کوئی چیز لائے ہو۔ میں نے عرض کیا جی ہاں ! آپ (صلی اللہ علیہ وآلہ وسلم) نے اپنے تمام ساتھیوں کو فرمایا۔ اٹھو۔
انس کہتے ہیں کہ تمام چل پڑے۔ اور میں ان کے آگے آگے تھا پھر میں ابو طلحہ (رض) کے پاس گیا اور انھیں اطلاع دی۔
ابو طلحہ (رض) نے کہا اے ام سلیم رسول اللہ (صلی اللہ علیہ وآلہ وسلم) لوگوں کے ساتھ تشریف لا رہے ہیں۔ اور ہمارے پاس اس قدر کھانا نہیں کہ ان سب کو کھلائیں۔ ہم کیا کریں گے انھوں نے جواب دیا۔ اللہ اور اس کا رسول سب سے زیادہ جانتے ہیں۔
ابو طلحہ (رض) نکلے یہاں تک کہ رسول اللہ (صلی اللہ علیہ وآلہ وسلم) سے ملے۔ آپ (صلی اللہ علیہ وآلہ وسلم) گھر میں داخل ہوئے ۔ رسول اللہ (صلی اللہ علیہ وآلہ وسلم) نے فرمایا۔ اے ام سلیم جو کجھ تمہارے پاس ہے۔ لے آؤ۔ چنانچہ وہ چند روٹیاں لے آئیں۔ آپ (صلی اللہ علیہ وآلہ وسلم) نے ان کے ٹکڑے کرائے۔ ام سلیم نے ان پر گھی کی کپی نچوڑ دی۔ اور اس کی چوری کچوری بنادی پھر رسول اللہ (صلی اللہ علیہ وآلہ وسلم) نے اس پر جو اللہ تعالیٰ نے چاہا پڑھا پھر فرمایا۔ د س دس آدمی بلاؤ انھیں بلایا گیا۔ انھوں نے سیر ہو کر کھایا اور وہ باہر نکلے ۔ پھر دس آدمیوں کو بلایا انھوں نے کھایا اور سیر ہوگئے۔ پھر باہر چلے گئے۔ پھر حضور (علیہ السلام) نے فرمایا دس آدمیوں کو بلاؤ۔ انھوں بلایا انھوں نے بھی پیٹ بھر کر کھایا۔ اور باہر چلے گئے۔ پھر آپ (صلی اللہ علیہ وآلہ وسلم) نے دس اور آدمیوں کو بلایاد یہاں تک کہ تمام آدمیوں نے سرٹ ہو کر کھایا یہ تمام ستر یا اسی آدمی تھے۔
قول محمد (رح) یہ ہے : کہ اسی کو ہم اختیار کرتے ہیں، آدمی کو عام دعوت قبول کر لینی چاہیے۔ عذر کے بغیر دعوت سے انکار مناسب نہیں ۔ لیکن خاص دعوت چاہے قبول کرے اور خواہ قبول نہ کرے اس کی مرضی پر موقوف ہے۔