ابو النضر نے ایک شخص سے بیان کیا جس نے حضرت عائشہ (رض) عنہا کو فرماتے سنا۔ کہ میں نے عاشورہ کے دن حبش وغیرہ کے لگوں کے کھیل کی آواز سنی تو رسول اللہ (صلی اللہ علیہ وآلہ وسلم) نے فرمایا۔ کیا تم اس کھیل کو دیکھنا چاہتی ہو ؟ میں نے ہاں میں جواب دیا۔ رسول اللہ (صلی اللہ علیہ وآلہ وسلم) نے انھیں بلوایا وہ آگئے۔ اور آپ (صلی اللہ علیہ وآلہ وسلم) لوگوں کے درمیان کھڑے ہوگئے۔ آپ (صلی اللہ علیہ وآلہ وسلم) نے اپنی ہتھیلی مبارک دروازہ پر رکھی اور دست اقدس دراز کرلیا۔ میں نے اپنی ٹھوڑی رسول اللہ (صلی اللہ علیہ وآلہ وسلم) کے دست اقدس پر رکھی۔ چنانچہ وہ لوگ کھیلنے لگے اور میں دیکھتی رہی۔ پھر رسول اللہ (صلی اللہ علیہ وآلہ وسلم) نے فرمایا کیا تمہیں کافی ہوگیا۔ کیا کافی ہوگیا۔ دو یا تین مرتبہ دریافت کرنے پر میں خاموش رہی پھر آپ (صلی اللہ علیہ وآلہ وسلم) نے استفسار فرمایا۔ تمہیں کافی ہوگیا۔ میں نے ہاں میں جواب دیا۔ آپ (صلی اللہ علیہ وآلہ وسلم) نے ان کو اشارہ کیا تو وہ واپس پلٹ گئے۔