اسحاق بن عبداللہ بن ابی طلحہ (رح) نے بیان کیا کہ انس بن مالک (رض) نے چار باتیں بیان فرمائیں۔ نمبر۔ جن دنوں عمر (رض) اللہ امیر المؤمنین تھے میں نے دیکھا کہ ان کے مونڈھوں کے درمامن ایک دوسرے کے اوپر تلے تین پیوند لگے ہوئے تھے۔ نمبر ٢۔ میں نے عمر (رض) کو دیکھا کہ ان کٍ امنے ایک صاع کھجوریں رکھ دی جاتیں تو وہ کھالیتے۔ یہاں تک کہ جو ردی ہوتیں وہ بھی کھالیتے۔ نمبر ٣ ایک دن عمر (رض) کے ساتھ میں نکلا یہاں تک کہ وہ ایک باغ میں داخل ہوگئے وہ باغ کے اندر تھے میرے اور ان کے درمیان صرف دیوار حائل تھی۔ میں نے سنا کہ وہ ( اپنے کو مخاطب کرکے) کہہ رہے تھے۔ اے امیر المؤمنین عمر بن خطاب ! اللہ کی قسم ! اے خطاب کے بیٹے ! اللہ تعالیٰ سے ڈر ورنہ وہ تجھے عذاب میں مبتلا کردے گا۔ نمبر ٤۔ ایک شخص نے ان کو سلام کیا۔ آپ نے سلام کا جواب دیا اور دریافت کیا تمہارا کیا حال ہے ؟ اس نے جواب دیا۔ میں آپ کے سامنے اللہ تعالیٰ کی حمد بیان کرتا ہوں۔ حضرت عمر (رض) نے فرمایا۔ میں تم سے یہی چاہتا تھا۔