ابوہریرہ (رض) کہتے ہیں کہ رسول اللہ (صلی اللہ علیہ وآلہ وسلم) نے فرمایا : جب نماز کی اقامت ہوجائے تو دوڑتے ہوئے اس کی طرف مت آؤ بلکہ اس حال میں آؤ کہ تم پر سکون اور وقار ہو۔ پھر جتنی نماز پالو اسے پڑھ لو اور جو تمہیں نہ مل سکی اسے پورا کرلو کیونکہ جو شخص نماز کی طرف آتا ہے وہ نماز ہی میں شمار ہوتا ہے۔
قول محمد (رح) یہ ہے : تم ہرگز رکوع کرنے یا افتتاح کرنے میں جلدی نہ کرو جب تک صف میں کھڑے نہ ہوجاؤ یہی امام ابوحنیفہ (رح) کا قول ہے۔