ابو صالح سمان نے ابوہریرہ (رض) کی وساطت سے رسول اللہ (صلی اللہ علیہ وآلہ وسلم) کا ارشاد نقل کیا ہے کہ آپ (صلی اللہ علیہ وآلہ وسلم) نے فرمایا۔ ایک شخص کسی راہ پر جارہا تھا۔ اس کو راستے میں پیاس نے آلیا۔ اس نے ایک کنواں پایا۔ اس میں اتر کر اس سے پانی پیا۔ جب باہر نکلا تو ایک کتے پر نظر پری جو ہانپ رہا تھا اور پیاس کی وجہ سے اس کا یہ حال تھا کہ وہ گیلی مٹی چاٹ رہا تھا۔ اس نے اپنے دل میں کہا یہ حیوان پیاس میں انتہاء کو پہنچ چکا ہے۔ جس طرح پیاس نے مجھے بےبس کردیا تھا۔ اس نے اتر کر کنوئیں میں سے اپنا موزہ بھرا اور موزے کو اپنے منہ میں تھام کر کنوئیں سے باہر نکلا اور اس نے اس کتے کو پانی پلایا۔ اس پر اللہ تعالیٰ نے اس کی ( اس نیکی کی ) قدر افزائی فرمائی اور اس کو بخش دیا۔ صحابہ کرام (رض) عنہم نے سوال کیا۔ کیا حیوانات کو پانی پلانے سے بھی ہمیں اجر ملتا ہے۔ آپ (صلی اللہ علیہ وآلہ وسلم) نے فرمایا۔ ہر تر جگر والے حیوان میں اجر ملتا ہے۔