امیمہ بنت رقیقہ (رض) عنہا بیان کرتی ہیں کہ میں رسول اللہ (صلی اللہ علیہ وآلہ وسلم) کی خدمت میں ان عورتوں کے ساتھ حاضر ہوئی جو بیعت کرنے آئیں تھیں۔ ہم نے عرض کیا۔ یا رسول اللہ (صلی اللہ علیہ وآلہ وسلم) ہم آپ سے بیعت کرتی ہیں۔ کہ اللہ تعالیٰ کے ساتھ کسی کو شریک نہ کریں گی۔ چوری نہ کریں گی۔
زنانہ کریں گی۔ اپنی اولاد کو قتل نہ کریں گی۔ اپنی جانب سے کسی پر بہتان نہ باندھیں گی۔ معروف میں آپ کی نافرمانی نہ کریں گی۔ آپ (صلی اللہ علیہ وآلہ وسلم) نے فرمایا۔ اس قدر اطاعت جس قدر تم میں استطاعت ہے۔ ہم نے عرض کیا۔ اللہ اور اس کا رسول اللہ (صلی اللہ علیہ وآلہ وسلم) ہم پر خود ہم سے زیادہ شفقت کرنے والے ہیں۔ یا رسول اللہ (صلی اللہ علیہ وآلہ وسلم) ( اپنا درست اقدس لائیے) تاکہ ہم آپ کی بیعت کریں۔ آپ (صلی اللہ علیہ وآلہ وسلم) نے فرمایا۔ میں عورتوں سے مصافحہ نہیں کرتا۔ میری بات سو عورت کو بھی وہی ہے جو ایک عورت کو ہے۔ یا آپ (صلی اللہ علیہ وآلہ وسلم) نے اس طرح فرمایا میرا سو عورت کو کہنا ایک عورت کو کہہ دینے کی مثل ہے۔