مالک بن عامر اصبحی (امام مالک کے دادا ہیں) کہتے ہیں کہ حضرت عثمان بن عفان (رض) اپنے خطبہ میں کہتے تھے۔ جب اقامت کہی جائے تو صفیں برابر کرلو اور اپنے شانہ کو شانہ سے ملا لو کیونکہ صفوف کو برابر کرنا نماز کا تکملہ ہے۔ آپ اس وقت تک تکبیر نہ کہتے تھے جب تک آپ کے پاس مقررہ لوگ صفوف کی برابری کی اطلاع نہ کردیتے۔ پھر آپ تکبیر کہتے۔ (مؤطا امام مالک میں اسی کے مشابہ روایت باب تسویۃ الصفوف میں مذکور ہے)