An Nasai: Hadith 1180

عبدالرحمٰن بن اصم کہتے ہیں کہ انس بن مالک (رض) سے نماز میں اللہ اکبر کہنے کے سلسلہ میں پوچھا گیا، تو انہوں نے کہا : اللہ اکبر کہے جب رکوع میں جائے، اور جب سجدہ میں جائے، اور جب سجدہ سے سر اٹھائے، اور جب دوسری رکعت سے اٹھے۔ حطیم نے پوچھا : آپ نے اسے کس سے سن کر یاد کیا ہے، تو انہوں نے کہا : نبی اکرم ﷺ ، ابوبکر اور عمر رضی اللہ عنہم سے، پھر وہ خاموش ہوگئے، تو حطیم نے ان سے کہا، اور عثمان (رض) عنہ سے بھی ؟ انہوں نے کہا : اور عثمان (رض) عنہ سے بھی۔ تخریج دارالدعوہ : تفرد بہ النسائي، (تحفة الأشراف : ٩٨٧) ، مسند احمد ٣/١٢٥، ١٣٢، ١٧٩، ٢٥١، ٢٥٧، ٢٦٢ (صحیح الإسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 1179