An Nasai: Hadith 4041

تابعی سعید بن المسیب کہتے ہیں کہ کچھ عرب رسول اللہ ﷺ کے پاس آئے اور اسلام قبول کیا، پھر وہ بیمار پڑگئے تو رسول اللہ ﷺ نے انہیں دودھ والی اونٹنیوں کے پاس بھیجا تاکہ وہ ان کا دودھ پیئں۔ وہ انہیں اونٹنیوں میں رہے، پھر انہوں نے رسول اللہ ﷺ کے غلام چرواہے پر نیت خراب کی اور اسے قتل کردیا اور اونٹنیاں ہانک لے گئے، لوگوں نے بیان کیا کہ رسول اللہ ﷺ نے یہ دعا کی : اللہم عطش من عطش آل محمد الليلة اے اللہ ! اسے پیاسا رکھ جس نے محمد کے گھر والوں کو اس رات پیاسا رکھا ، پھر رسول اللہ ﷺ نے ان کی تلاش میں کچھ لوگ بھیجے۔ جب وہ گرفتار کرلیے گئے تو آپ نے ان کے ہاتھ کاٹ دیے اور ان کی آنکھیں گرم سلائی سے پھوڑ دیں۔ راویوں میں سے بعض دوسرے سے کچھ زیادہ بیان کرتے ہیں، سوائے معاویہ کے، انہوں نے اس حدیث میں کہا ہے کہ وہ ہانک کر مشرکوں کی زمین کی طرف لے گئے۔ تخریج دارالدعوہ : تفرد بہ النسائي (تحفة الأشراف : ١٨٧٥٢) (ضعیف الإسناد) (یہ روایت مرسل ہے ) قال الشيخ الألباني : ضعيف الإسناد صحيح وضعيف سنن النسائي الألباني : حديث نمبر 4036