An Nasai: Hadith 76

انس (رض) کہتے ہیں کہ میں نے رسول اللہ ﷺ کو ایسی حالت میں دیکھا کہ عصر کا وقت قریب ہوگیا تھا، تو لوگوں نے وضو کے لیے پانی تلاش کیا مگر وہ پانی نہیں پا سکے، پھر رسول اللہ ﷺ کی خدمت میں تھوڑا سا وضو کا پانی لایا گیا، تو آپ ﷺ نے اس برتن میں اپنا ہاتھ رکھا، اور لوگوں کو وضو کرنے کا حکم دیا، تو میں نے دیکھا کہ پانی آپ ﷺ کی انگلیوں کے نیچے سے ابل رہا ہے، حتیٰ کہ ان کے آخری آدمی نے بھی وضو کرلیا ١ ؎۔ تخریج دارالدعوہ : صحیح البخاری/الوضوء ٣٢ (١٦٩) ، المناقب ٢٥ (٣٥٧٣) ، صحیح مسلم/الفضائل ٣ (٢٢٧٩) ، سنن الترمذی/المناقب ٦ (٣٦٣١) ، موطا امام مالک/الطہارة ٦ (٣٢) ، (تحفة الأشراف : ٢١٠) ، مسند احمد ٣/١٣٢، ١٤٧، ١٧٠، ٢١٥، ٢٨٩، نحوہ، ویأتي عند المؤلف برقم : ٧٨ (صحیح ) وضاحت : ١ ؎: یہ رسول اللہ ﷺ کا ایک معجزہ تھا، دوسری روایت میں ہے کہ یہ کل تین سو آدمی تھے، ایک روایت میں ہے کہ ایک ہزار پانچ سو آدمی تھے واللہ اعلم۔ قال الشيخ الألباني : صحيح صحيح وضعيف سنن النسائي الألباني : حديث نمبر 76