عبداللہ بن عباس رضی الله عنہما سے روایت ہے کہ رسول اللہ ﷺ کھڑے ہوئے اور فرمایا : بیشک اللہ تعالیٰ نے تم پر حج فرض کیا ہے ، تو اقرع بن حابس تمیمی (رض) نے پوچھا : ہر سال ؟ اللہ کے رسول ! آپ خاموش رہے، پھر آپ نے بعد میں فرمایا : اگر میں ہاں کہہ دیتا تو ہر سال (حج) فرض ہوجاتا، پھر نہ تم سنتے اور نہ اطاعت کرتے، لیکن حج ایک بار ہی ہے ۔ تخریج دارالدعوہ : سنن ابی داود/الحج ١ (١٧٢١) مختصرا، سنن ابن ماجہ/ الحج ٢ (٢٨٨٦) ، (تحفة الأشراف : ٦٥٥٦) ، مسند احمد (١/٢٥٥، ٢٩٠، ٣٥٢، ٣٧٠، ٣٧١) ، سنن الدارمی/المناسک ٤ (١٧٩٥) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 2620