Shamail Tirmidhi: Hadith 171

ام منذر (رض) کہتی ہیں کہ حضور اقدس ﷺ میرے یہاں تشریف لائے۔ ہمارے یہاں کھجور کے خوشے لٹکے ہوئے تھے حضور اقدس ﷺ ان میں سے تناول فرمانے لگے حضرت علی (رض) جو حضور اقدس ﷺ کے ساتھ تھے وہ بھی نوش فرمانے لگے حضور اقدس ﷺ نے ان کا ہاتھ روک دیا کہ تم ابھی بیماری سے اٹھے ہو تم مت کھاؤ وہ رک گئے اور حضور ﷺ تناول فرماتے رہے ام منذر کہتی ہیں کہ پھر میں نے تھوڑے سے جو اور چقندر لے کر پکائے۔ حضور اقدس ﷺ نے حضرت علی (رض) سے فرمایا کہ یہ کھاؤ یہ تمہارے لئے مناسب ہے۔