Shamail Tirmidhi: Hadith 270

عبدالرحمن ایک تابعی کہتے ہیں کہ مجھے حضرت ام ہانی (رض) کے سوا اور کسی نے حضور اکرم ﷺ کی صلوہ الضُحٰی کی خبر نہیں پہنچائی۔ البتہ حضرت ام ہانی (رض) نے یہ فرمایا کہ حضور اقدس ﷺ اس روز جس دن مکہ مکرمہ فتح ہوا تھا ان کے مکان پر تشریف لے گئے اور غسل فرما کر آٹھ رکعات نماز پڑھی، میں نے ان آٹھ رکعات سے زیادہ مختصر حضور اکرم ﷺ کی کبھی کوئی نماز نہیں دیکھی۔ لیکن باوجود مختصر ہونے کے رکوع، سجود پورے پورے فرما رہے تھے۔ یہ نہیں کہ مختصر ہونے کی وجہ سے رکوع اور سجدے ناقص ہوں۔