Shamail Tirmidhi: Hadith 374

حضرت ابن عباس (رض) فرماتے ہیں کہ حضور اقدس ﷺ نے ارشاد فرمایا کہ جس کے دو بچے ذخیرہ آخرت بن جائیں تو حق تعالیٰ شانہ ان کی بدولت اس کو ضرور جنت میں داخل فرمائیں گے۔ حضرت عائشہ (رض) نے عرض کیا کہ یا رسول اللہ ﷺ جس کا ایک ہی بچہ ذخیرہ بنا ہو اس کا کیا حکم ہے آپ ﷺ نے فرمایا کہ جس کا ایک ہی بچہ چل دیا وہ بھی بخش دیا جائے گا۔ حضرت عائشہ (رض) نے پوچھا کہ جس کا ایک بچہ بھی نہ مرا ہو تو آپ ﷺ نے فرمایا کہ ان کے لئے میں ذخیرہ آخرت بنوں گا اس لئے کہ میری وفات کا رنج آل واولاد سب سے زیادہ ہوگا۔