Al Tahawi: Hadith 1137

١١٣٧: ابوالمتوکل ناجی حضرت ابو سعید الخدری (رض) سے نقل کرتے ہیں کہ جناب رسول اللہ (صلی اللہ علیہ وآلہ وسلم) جب رات کو اٹھتے اور نماز کے لیے تکبیر افتتاح کہہ چکتے تو پھر پڑھتے : سُبْحَانَک اللّٰہُمَّ تا غَیْرُکَ پھر پڑھتے لاالٰہ الا اللہ پھر تین مرتبہ پڑھتے : اللّٰہُ أَکْبَرُ کَبِیْرًا پھر پڑھتے : أَعُوْذُ بِاللّٰہِ السَّمِیْعِ الْعَلِیْمِ مِنَ الشَّیْطَانِ الرَّجِیْمِ مِنْ ہَمْزِہِ ، وَنَفْخِہِ وَنَفْثِہِ (میں اللہ تعالیٰ جو سمیع علیم ہیں شیطان مردود کی طعنہ زنی اور پھونک سے پناہ مانگتا ہوں) پھر آپ قراءت شروع فرماتے۔
تخریج : ابو داؤد باب الصلاۃ باب ١٢٠‘ ٧٧٥‘ ترمذی فی الصلاۃ باب ٦٥‘ نمبر ٢٤٢‘ ابن ماجہ فی الاقامہ باب ٢‘ نمبر ٨٠٤‘ مسند احمد ٣؍٥٠۔
خلاصہ الزام : تکبیر تحریمہ کے بعد ثناء اور انی وجہت کے پڑھنے کی نوعیت میں اختلاف ہے امام ابوحنیفہ ‘ و محمد و احمد و دیگر علماء (رح) ثناء کو واجب کہتے اور انی وجہت کو مسنون قرار نہیں دیتے۔
نمبر ٢: فریق دوم امام یوسف و اوزاعی طحاوی وغیرہ (رح) ہر دو کو مسنون مانتے ہیں۔