Al Tahawi: Hadith 1339

١٣٣٩: محمد بن عمرو بن عطاء کہتے ہیں کہ میں نے ابو حمید ساعدی سے دس اصحاب رسول اللہ (صلی اللہ علیہ وآلہ وسلم) کی موجودگی میں یہ سنا ان میں ابو قتادہ بھی تھے پھر اسی طرح روایت نقل کی ہے انھوں نے ان کی بات سن کر کہا تم نے سچ کہا۔ امام طحاوی (رح) فرماتے ہیں : کچھ لوگوں نے اس روایت کو اختیار کیا جبکہ دوسروں نے ان سے اختلاف کرتے ہوئے کہا کہ رکوع میں ہاتھوں کو ملانا نہیں بلکہ مناسب یہ ہے کہ اپنے گھٹنوں پر اس طرح رکھے جیسے ان کو پکڑنے والا ہے۔ اور اپنی انگلیوں کو کھول کر رکھے۔ اس سلسلے میں انھوں نے مندرجہ ذیل روایات سے استدلال کیا ہے۔
تخریج : پہلے گزر چکی ہے۔