Al Tahawi: Hadith 1476

١٤٧٦: نافع نے حضرت ابن عمر (رض) سے نقل کیا کہ جب وہ سجدہ کرتے پہلے اپنے دو ہاتھ رکھتے پھر گھٹنے اور کہا کرتے تھے کہ جناب نبی اکرم (صلی اللہ علیہ وآلہ وسلم) اس طرح کیا کرتے تھے۔
تخریج : دارقطنی فی السنن ١؍٣٤٤۔
سجدہ اعضاء سبعہ پر ہوگا مگر ان میں کس کو پہلے اور کسے بعد میں رکھا جائے اس میں اختلاف ہے۔
فریق اوّل :
جس میں امام مالک و اوزاعی و حسن بصری (رح) ہیں گھٹنوں سے ہاتھوں کو مقدم کرنے کو افضل قرار دیتے ہیں اور فریق دوم جس میں احناف و شوافع و حنابلہ اور جمہور فقہاء شامل ہیں وہ رکبتین کو مقدم کرنا افضل قرار دیتے ہیں۔
فریق اوّل کا مؤقف اور ان کے دلائل :
ہاتھوں کو زمین پر سجدہ کی حالت میں پہلے رکھنا افضل ہے جیسا یہ روایات اس کو ظاہر کرتی ہیں۔