Al Tahawi: Hadith 1765

١٧٦٥: حرام بن وراج نے بتلایا کہ علی بن ابی طالب (رض) نے عصر کے بعد راہ مکہ میں دو رکعت نماز ادا کی تو ان کو عمر (رض) نے بلا کر ان پر ناراضگی کا اظہار کیا اور کہنے لگے اللہ کی قسم تم جانتے ہو کہ جناب رسول اللہ (صلی اللہ علیہ وآلہ وسلم) ہمیں ان سے منع فرمایا کرتے تھے۔ ان آثار میں یا ان میں سے بعض میں مذکور ہے کہ جب حضرت عائشہ صدیقہ (رض) سے ان روایات کے متعلق پوچھا گیا جو ان سے بیان کی جاتی ہیں جو پہلی فصل ہم نقل کر آئے کہ جناب رسول اللہ (صلی اللہ علیہ وآلہ وسلم) اس کے گھر میں عصر کے بعد جب تشریف لاتے تو اس میں دو رکعت نماز ادا فرماتے۔ انھوں نے اس بات کی نسبت حضرت ام سلمہ (رض) کی طرف کی۔ اس سے وہ تمام منسوبہ آثار کی نفی ہوگئی جو حضرت عائشہ صدیقہ (رض) سے مروی تھے ‘ اس لیے کہ جب حضرت اُم سلمہ (رض) سے اس سلسلے میں سوال کیا گیا تو انھوں نے بتلایا کہ میں نے جناب رسول اللہ (صلی اللہ علیہ وآلہ وسلم) سے ان کی ممانعت سن رکھی تھی اور ان کی اس بات میں ابن عباس اور مسور بن مخرمہ ‘ عبدالرحمن بن ازہر (رض) نے موافقت کی۔ البتہ انھوں نے بطور بلاغ یہ روایات کی ہیں بطور سماع نہیں ‘ اور ایک جماعت صحابہ (رض) نے اس کی موافقت کی جنہوں نے اس بات کو جناب رسول اللہ (صلی اللہ علیہ وآلہ وسلم) سے نقل کردیا۔
تخریج : بخاری ١؍٨٢‘ باب الصلاۃ بعدالفجر۔