Al Tahawi: Hadith 1816

١٨١٦: حسن نے حضرت ابی موسیٰ (رض) سے نقل کیا کہ جناب رسول اللہ (صلی اللہ علیہ وآلہ وسلم) نے اپنے صحابہ (رض) کو خوف کی نماز پڑھائی پس ایک جماعت کو ایک رکعت پڑھائی ایک گروہ دشمن کے مقابل تھا جب آپ نے ایک رکعت پڑھائی اور سلام پھیرا پھر ایک گروہ گھڑا ہوا اور انھوں نے ایک ایک رکعت ادا کی۔ اس حدیث سے یہ اطلاع میسر آگئی کہ انھوں نے بقیہ نماز کو پورا کیا۔ ہم نے پہلی روایات میں جو احتمال نقل کیا ہے وہ بھی مذکور ہے۔ باقی روایت میں ” ثم سلّم بعد الرکعۃ الاولٰی “ میں یہ احتمال ہے کہ اس سلام سے نماز توڑنے کا ارادہ نہیں فرمایا بلکہ مقتدیوں کو لوٹنے کا مقام بتلانے کے لیے سلام فرمایا۔
تخریج : طیالسی ١؍٢٤٧‘ ابن ابی شیبہ ٢؍٢١٥۔
حاصل روایات : اس روایت میں ایک ایک رکعت امام کے ساتھ ادا کرنے کے بعد دوسری رکعت پوری کرنے کی صراحت ہے اور اس روایت نے اس بات کو کھول دیا جو کہ پہلی روایات کے سلسلہ میں ہم بیان کر آئے اس روایت میں سلام کا تذکرہ ہے ممکن ہے کہ یہ سلام انقطاع صلوۃ کے لیے نہ ہو بلکہ مقتدیوں کو واپسی کی اطلاع کے لیے ہو تاکہ وہ دشمن کے سامنے لوٹ جائیں اور دوسرا گروہ ان کی جگہ آجائے۔
مزید روایات ملاحظہ ہوں۔