Al Tahawi: Hadith 1944

١٩٤٤: عبد بن معقل نے حضرت عائشہ (رض) سے ‘ انھوں نے رسول اللہ (صلی اللہ علیہ وآلہ وسلم) اسی طرح روایت نقل کی ہے۔ امام طحاوی (رح) کہتے ہیں کہ کچھ لوگ اس طرف گئے ہیں کہ جو شخص بیٹھ کر نماز کی ابتداء کرلے اسے کھڑے ہو کر رکوع کرنا مکروہ ہے۔ انھوں نے اس سلسلہ میں اسی روایت کو دلیل بنایا ہے۔ جبکہ دوسروں نے اس میں کچھ حرج قرار نہیں دیا اس سلسلہ میں ان کی دلیل ان روایات سے ہے۔
تخریج : مسلم۔
حاصل روایات : ان روایات میں نماز کو کھڑے ہو کر شروع کر کے اسی حالت میں تکمیل کرنا اور بیٹھ کر شروع کیا جائے تو بیٹھ کر مکمل کرنا مذکور ہے معلوم ہوا کہ اگر بیٹھ کر شروع کریں تو رکوع کے لیے کھڑا ہونا درست نہیں سابقہ حالت میں تکمیل کی جائے گی۔
فریق ثانی کا مؤقف : یہ ہے کہ بیٹھ کر شروع کرے تو رکوع کرنے کے لیے کھڑے ہونے میں کوئی حرج نہیں۔