Al Tahawi: Hadith 1990

١٩٩٠: ابراہیم بن نھیک بن سنان سلمی کہتے ہیں کہ میں حضرت ابن مسعود (رض) کی خدمت میں آیا اور ان سے پوچھا کہ میں ایک رکعت میں رات کو مفصل پڑھتا ہوں آپ نے فرمایا شعر کی طرح جلدبازی کرتا اور ردی کھجور کی طرح حروف کو بکھیرتا ہوگا مفصل تو فصل کے لیے ہے ہم تو ان مثالوں کو جانتے ہیں کہ جناب رسول اللہ (صلی اللہ علیہ وآلہ وسلم) بیس سورتیں ملاکر پڑھتے مثلاً الرحمن والنجم۔ ابن مسعود (رض) کے جمع شدہ نسخہ میں سورة رحمن و نجم اکٹھی ہیں ہر دو سورتیں ایک ایک رکعت میں اس سلسلہ میں سورة دخان اور عم یتساء لون کا بھی ذکر کیا ہے۔ میں نے ابراہیم سے کہا اس کے علاوہ میں میں کیا کروں ؟ تو کہنے لگے میں بسا اوقات ایک رکعت میں چار سورتیں پڑھ لیتا ہوں۔
تخریج : بخاری فی الاذان باب ١٠٦‘ مسلم فی المسافرین نمبر ٢٧٥‘ ابن ابی شیبہ ٢؍٢٥٩۔
اللغات : ہذأ جلدی کرنا۔ النشر بکھیرنا۔ الدقل ردی کھجور جو خشک ہو۔