Al Tahawi: Hadith 2137

٢١٣٧: سفیان نے لیث انھوں نے مجاہد سے نقل کیا کہ امام کے خطبہ کے وقت نماز پڑھنا مکروہ ہے۔ ہم ان آثار میں یہ بیان کرچکے کہ امام کا باہر آنا نماز کو منقطع کردیتا ہے۔ چنانچہ عبداللہ بن صفوان اس وقت آئے جب حضرت عبداللہ بن الزبیر (رض) خطبہ دے رہے تھے ‘ پس وہ بیٹھ گئے اور انھوں نے نماز نفل ادا نہ کی۔ ابن زیبر (رض) نے ان کی اس بات کا انکار نہ کیا اور نہ ہی ان کے پاس جو دیگر اصحاب رسول اللہ (صلی اللہ علیہ وآلہ وسلم) میں سے کسی نے انکار کیا اور نہ تابعین نے انکار کیا ‘ پھر شریح اس کو کرتے تھے اور شعبی نے اس کو روایت کیا اور مخالفین پر بطور حجت پیش کیا اور اس روایت کو مرفوع قرار دیا جس کا تذکرہ ہم نے کردیا۔ پھر ہم نے قیاس کو بیان کردیا ‘ پس اس کے ہوتے ہوئے دوسرے کی طرف رجوع درست نہیں۔ پھر اگر کوئی یہ معترج کہے کہ جناب رسول اللہ (صلی اللہ علیہ وآلہ وسلم) سے یہ بھی مروی ہے کہ آپ نے فرمایا کہ جب تم میں سے کوئی مسجد میں داخل ہو تو اس وقت تک نہ بیٹھے جب تک وہ دو رکعات ادا نہ کرے اور پھر ان روایات مندرجہ ذیل کو ذکر کیا۔
تخریج : ابن ابی شیبہ ١؍٤٥٦۔
حاصل آثار :
ان آثار سے یہ بات ثابت ہوتی ہے کہ امام کا خروج نماز کو قطع کردیتا ہے اور اصحاب رسول اللہ (صلی اللہ علیہ وآلہ وسلم) کی طرف سے خطبہ امام کے وقت دو رکعت نہ پڑھنے والے پر نکیر نہ کرنا اس بات کی کھلی دلیل ہے کہ وہ سب اس وقت میں نماز اور کلام کے انقطاع کے قائل تھے پھر شعبی شریح کے عمل کی تصدیق اور حسن بصری کے عمل پر تعجب کا اظہار کر رہے ہیں اور شریح کے عمل کی تصدیق کر رہے ہیں پھر نظر صحیح کا تقاضا بھی یہ ہے پس جو نقل و عقل دونوں سے ثابت ہو اس کو چھوڑ کر کسی دوسری طرف جانا مناسب نہیں۔
ایک اہم اشکال :
جناب رسول اللہ (صلی اللہ علیہ وآلہ وسلم) کا ارشاد ہے کہ جب تم میں سے کوئی مسجد میں داخل ہو تو بیٹھنے سے پہلے دو رکعت ادا کرے اب اس میں کسی وقت کی تعیین تو نہیں کی گئی بلکہ عموم ہے۔ روایات ملاحظہ ہوں۔