Al Tahawi: Hadith 2161

٢١٦١: محمد بن کعب کہتے ہیں کہ حضرت ابن عمر (رض) اپنے گھر سے نکلے ادھر فجر کی جماعت کھڑی ہوگئی پس آپ نے مسجد میں داخلے سے پہلے دو رکعت راستہ میں ادا فرمائیں پھر مسجد میں داخل ہو کر صبح کی نماز لوگوں کے ساتھ پڑھی۔ یہ ابن عمر (رض) ہیں اگرچہ انھوں نے مسجد میں نماز نہیں پڑھی مگر انھوں نے مسجد میں جماعت کے کھڑے ہوجانے کے بعد ان کو ادا کیا ہو اور یہ طرز عمل حضرت ابوہریرہ (رض) کے اس قول کے خلاف ہے ” اذا اقیمت الصلاۃ فلا صلوۃ الا المکتوبۃ “ اگر اس کا معنی وہ لیا جائے جس کی طرف پہلے قول والوں نے اشارہ کیا ہے۔
ایک اشکال :
اس روایت ابن عمر (رض) میں تو مسجد سے باہر سنت کا تذکرہ ہے پس یہ تمہاری دلیل نہ بن سکی۔
جواب : اگرچہ یہ سنت کی دو رکعت مسجد کے باہر پڑھی گئیں مگر یہ جان لینے کے بعد پڑھی گئیں کہ جماعت کھڑی ہوگئی ہے پس ابوہریرہ (رض) کی اس روایت کے تو یہ خلاف ہے جو فریق اوّل کی دلیل ہے کہ اذا اقیمت الصلاۃ فلا صلوۃ الاالمکتوبہ پس اس روایت ابن عمر (رض) نے بتلایا دیا کہ اقامت صلوۃ کا علم ہوجانے کے باوجود مسجد کے باہر سنت ادا کر کے جماعت میں شامل ہوسکتا ہے پس اس اعتبار سے یہ ایک پہلو دلیل بن گئی۔