Al Tahawi: Hadith 2173

٢١٧٣: نافع بیان کرتے ہیں کہ حضرت ابن عمر (رض) نے مجھے کپڑا پہنایا جبکہ میں بچہ تھا پس اسے توشح (دائیں اور بائیں بغل سے نیچے کپڑے کی اطراف گزار کر کندھوں پر ڈال لیں پھر دونوں طرف کے کنارے سینے پر باندھ لیں) کی حالت میں نماز پڑھتے پایا آپ نے فرمایا کیا تمہارے پاس دو کپڑے نہ تھے اس نے ہاں میں جواب دیا تو فرمایا کیا گھر کے باہر تمہیں کام بھیجا جائے کیا تو ان دونوں کو پہنے گا اس نے کہا جی ہاں تو آپ نے فرمایا اللہ تعالیٰ کا حق زیادہ ہے کہ اس کے لیے زینت کی جائے یا لوگوں کا ؟ نافع کہتے ہیں میں نے کہا اللہ تعالیٰ کا حق زیادہ ہے پس حضرت ابن عمر (رض) نے اپنے والد یا رسول اللہ (صلی اللہ علیہ وآلہ وسلم) کی بات بتلائی میرے خیال میں وہ قول رسول اللہ (صلی اللہ علیہ وآلہ وسلم) ہی ہے کہ آپ (صلی اللہ علیہ وآلہ وسلم) نے فرمایا یہود کی طرح اشتمال (اس طرح کپڑے میں لپٹنا کہ ہاتھ بھی نہ نکل سکیں) جس کے پاس دو کپڑے ہوں وہ ایک کو بطور ازار استعمال کرے اور دوسرے کو اوپر اوڑھ لے اور جس کے پاس دو کپڑے نہ ہوں وہ ازار کے طور پر باندھ لے پھر نماز ادا کرے۔
تخریج : ابو داؤد فی الصلاۃ باب ٨٢‘ نمبر ٦٣٥۔
جب کسی کے پاس دو کپڑے ہوں تو ایک کپڑے میں نماز پڑھنا کیسا ہے ؟
نمبر 1: حضرت مجاہد ‘ ابراہیم (رح) نے اس کو مکروہ تحریمی کہا۔
نمبر 2: ائمہ اربعہ اور حسن بصری (رح) اس پر کچھ حرج قرار نہیں دیا بس زیادہ سے زیادہ مکروہ تنزیہی (خلاف ادب) کہا ہے۔
مؤقف اول اور دلائل : دو کپڑوں کی موجودگی میں ایک کپڑے میں نماز مکروہ تحریمی ہے۔ دلائل یہ ہیں۔