Al Tahawi: Hadith 2283

٢٢٨٣: طارق کہتے ہیں کہ ہم حضرت ابن مسعود (رض) کے ساتھ بیٹھے تھے کہ ان کو اطلاع دینے والا آیا اور اس نے کہا کہ جماعت کھڑی ہونے والی ہے پس آپ اٹھے اور ہم بھی آپ کے ساتھ اٹھے پس آپ مسجد میں داخل ہوئے تو آپ نے لوگوں کو دیکھا کہ وہ مسجد کی اگلی جانب رکوع کی حالت میں ہیں تو انھوں نے رکوع کیا اور چلنے لگے ہم نے بھی اسی طرح کیا۔
: المعجم الکبیر ٩؍٢٧١۔
ایک ضمنی اعتراض :
عبداللہ نے یہ اس لیے کیا کہ وہ اور ان کے شاگرد وہ مستقل صف بن گئے تھے تو صف میں شمول تو ہوگیا۔
جواب : اس بات کا جواب حضرت زید بن ثابت (رض) کی اس روایت سے واضح ہوجائے گا۔
اگر اس روایت میں کوئی معترض یہ علت نکالے کہ عبداللہ نے یہ اس لیے کیا کیونکہ وہ اور ان کے ساتھی مستقل صف بن گئے تھے۔ تو اس کے جواب میں کہا جائے گا۔ اس سلسلہ میں زید بن ثابت کی روایت بھی آرہی ہے ملاحظہ ہو۔