Al Tahawi: Hadith 2290

٢٢٩٠: حسن سے عمران بن حصین (رض) نے نقل کیا کہ ہم جناب رسول اللہ (صلی اللہ علیہ وآلہ وسلم) کے ساتھ ایک غزوہ میں چلتے رہے یا سریہ میں چلتے رہے جب سحر کا اختتام ہونے لگا تو ہم نے قیام کیا ہم بیدار نہ ہوئے مگر یہ کہ سورج کی دھوپ نے اٹھایا ہم میں سے ہر ایک گھبراہٹ سے کود کر اٹھتا تھا پھر جناب رسول اللہ (صلی اللہ علیہ وآلہ وسلم) بیدار ہوئے اور ہمیں وہاں سے کوچ کا حکم فرمایا ہم چلتے رہے یہاں تک کہ سورج بلند ہوگیا پھر ہم اترے لوگوں نے اپنے ضروری کام انجام دے لیے (کجاوے اتار کر خیمے لگا لئے) پھر آپ نے بلال (رض) کو حکم دیا انھوں نے اذان دی پس ہم نے دو رکعت ادا کیں پھر آپ نے فجر کی نماز جماعت سے پڑھائی ہم نے پوچھا اے اللہ کے نبی ! کیا اسے ہم کل اپنے وقت پر قضاء نہ کرلیتے ؟ تو جناب نبی اکرم (صلی اللہ علیہ وآلہ وسلم) نے فرمایا کیا تمہیں اللہ تعالیٰ نے ربا سے منع نہیں کیا اور یہ کیسے ہوسکتا ہے کہ وہ پھر تم سے قبول کرے۔
: مسلم فی المساجد نمبر ٣١٢‘ نسائی فی المواقیت باب ٥٥‘ مسند احمد ٤؍٤٤١۔