Al Tahawi: Hadith 2416

٢٤١٦: زہری سے روایت ہے کہ حضرت عثمان نے منیٰ میں چار پڑھائیں کیونکہ انھوں نے حج کے بعد قیام کا ارادہ کر رکھا تھا۔ پس ہمیں زہری نے اس روایت میں اس بات کی خبر دی کہ حضرت عثمان (رض) نے مکمل نماز منیٰ میں اس وجہ سے ادا کی کیونکہ وہ اقامت کی مکہ میں نیت کرچکے تھے۔ پس ان کا مکمل کرنا مقیم ہونے کی وجہ سے تھا۔ پس جب وہ سفر والے حکم سے نکل گئے اور اقامت والے حکم میں داخل ہوگئے تو اب ان کے سفر میں تکمیل کی کوئی دلیل قائم نہ رہی کہ ان کی سفری نماز کیسی تھی ‘ کامل یا قصر والی۔ زہری (رح) نے اس کے علاوہ بھی روایت نقل کی ہے۔
تخریج : ابو داؤد ١؍٢٧٠۔
پس اس روایت میں زہری نے بتلایا کہ عثمان (رض) منیٰ میں اقامت کی نیت کرلینے کی وجہ سے مکمل فرض پڑھتے تھے پس جب وہ مسافر کے حکم سے نکل گئے اور مقیم بن گئے تو ان کا فعل سفر میں تخیر والوں کی دلیل نہیں بن سکتا۔