Al Tahawi: Hadith 2460

٢٤٦٠: سلیمان یشکری نے حضرت ابو سعید خدری (رض) سے روایت کی ہے کہ انھوں نے فرمایا وہ خیال میں تحری کرے اس نے پوچھا آپ نے جناب نبی اکرم (صلی اللہ علیہ وآلہ وسلم) کی طرف سے یہ بات کہی ہے انھوں نے جواب دیا جناب نبی اکرم (صلی اللہ علیہ وآلہ وسلم) کی طرف سے۔ اس روایت مذکورہ سے یہ دلالت مل گئی کہ حضرت ابو سعید (رض) نے جناب رسول اللہ (صلی اللہ علیہ وآلہ وسلم) سے جس بات کو نقل کیا ہے وہ اس صورت میں ہے جبکہ اس کو معلوم نہ ہو کہ آیا اس نے تین پڑھی ہیں یا چار ؟ اور ان میں سے کوئی ایک بات اس کے دل میں دوسری سے غالب نہ ہو اور اگر ایک بات دوسری سے غالب ہو تو پھر اسی غالب پر عمل کرے جب ہم نے حضرت ابو سعید خدری (رض) کی اس روایت کو جو انھوں نے جناب نبی اکرم (صلی اللہ علیہ وآلہ وسلم) سے نقل کی اور جو بات انھوں نے خود ان سے سوال کرنے والوں کے جواب میں کہی اکٹھا کیا گیا تو اس دوسرے قول کے کہنے والوں کے موافق بات بن گئی ‘ ان کے مخالف قول کے موفق نہ بن سکی اور حضرت انس (رض) سے بھی تحری سے متعلق اسی قسم کی بات منقول ہے۔ ذیل میں ملاحظہ ہو۔
حاصل روایات : اس سے یہ ثابت ہوا کہ ابو سعید (رض) نے جو بات پہلے روایت کی ہے وہ اس وقت ہے جبکہ اس کو معلوم نہ ہو کہ تین رکعت پڑھی ہیں یا چار اور ان میں سے ایک کا دل میں غلبہ نہ ہو لیکن جب ایک کا ظن غالب ہو تو اس پر عمل کرے اس طرح ابو سعید (رض) کی روایت اور آپ سے کیا جانے والا استفسار اور اس کا جواب دونوں موافق ہوجاتے ہیں اور اس طرح فریق ثالث کی بات پختہ نظر آتی ہے البتہ دوسروں کے قول پر روایات کی موافقت نہیں ہوتی اور حضرت انس (رض) سے بھی تحری کے سلسلہ میں اس طرح کی روایت ہے جس کو ہم نقل کرتے ہیں۔