Al Tahawi: Hadith 2608

٢٦٠٨: بنی ہاشم کے مولیٰ عباس بن عبدالرحمن نے ذی مخبر ابن اخی النجاشی سے روایت کی ہے کہ ہم جناب رسول اللہ (صلی اللہ علیہ وآلہ وسلم) کے ساتھ سفر میں تھے پس ہم سو گئے اور سورج کی گرمی سے ہم بیدار ہوئے پھر ہم اس جگہ سے دور ہوئے ہمیں جناب رسول اللہ (صلی اللہ علیہ وآلہ وسلم) نے نماز پڑھائی جب دوسرا دن ہوا اور سورج طلوع ہوا تو بلال کو اذان کا حکم فرمایا انھوں نے اذان دی پھر ان کو اقامت کا حکم فرمایا پس ہمیں نماز پڑھائی جب نماز مکمل ہوگئی تو فرمایا یہ ہماری کل والی نماز ہے۔
تخریج : ابو داؤد فی الصلاۃ باب ١١‘ نمبر ٤٤٥۔
خلاصہ الزام :
نمبر 1: بعض اہل ظواہر جو نماز رہ جائے اس کو دو مرتبہ پڑھنے کو کہتے ہیں ایک جب یاد آئے دوسرے جب اگلے دن اسی نماز کا وقت آئے۔
نمبر 2: بعض محدثین کا قول ہے بعد والی نماز کے فرائض سے متصل ادا کرے گا۔
نمبر 3: ائمہ اربعہ و جملہ محدثین (رح) کے ہاں جس وقت یاد آئے اسی وقت پڑھنی لازم ہے ائمہ ثلاثہ اوقات ممنوعہ میں بھی درست کہتے ہیں مگر احناف اوقات ممنوعہ کے علاوہ میں لازم قرار دیتے ہیں۔
مؤقف فریق اوّل اور دلائل : متروکہ نماز کو دو مرتبہ پڑھنا لازم ہے ‘ جب یاد آئے اور جب اگلے روز اس کا وقت آئے۔ دلائل یہ ہیں۔