Al Tahawi: Hadith 2627

٢٦٢٧: عبداللہ بن عکیم کہتے ہیں کہ مجھے جھینہ کے شیوخ نے بیان کیا کہ ہمارے پاس جناب رسول اللہ (صلی اللہ علیہ وآلہ وسلم) کا خط آیا یا ہمارے لیے جناب رسول اللہ (صلی اللہ علیہ وآلہ وسلم) کا خط پڑھا گیا کہ مردار کی کسی چیز سے فائدہ مت اٹھاؤ۔ حضرت جابر (رض) نے سوال کے ذریعہ کہ جس کا جواب جناب رسول اللہ (صلی اللہ علیہ وآلہ وسلم) کی طرف سے یہ تھا کہ ” مردار سے نفع حاصل نہ کرو “ یہ خبر دی کہ یہ چربی سے فائدہ حاصل کرنے پر محمول ہے۔ مگر جس کو دباغت دی جائے یہاں تک کہ وہ مردار والی حالت سے نکل کر کسی اور معنی کو اختیار کرلے تو وہ پاک ہوجائے گی۔ جناب رسول اللہ (صلی اللہ علیہ وآلہ وسلم) سے اس سلسلہ میں بہت سے صحیح و متواتر آثار وارد ہوئے ہیں جو اس معنی کی وضاحت کرنے والے ہیں اور اس دباغت سے اس کی پاکیزگی کی خبر دیتے ہیں۔ ذیل میں درج کیے جاتے ہیں۔
تخریج : ابو داؤد فی اللباس باب ٣٩‘ نمبر ٤١٢٨۔
حاصل روایات : مردار کا چمڑہ پاک نہیں ہوسکتا خواہ اس کی دباغت کرلی جائے اور اس سے کسی قسم کا فائدہ حاصل نہیں کیا جاسکتا اگر اس کو دباغت دے دی جائے تب بھی اس پر نماز درست نہیں۔
مؤقف فریق ثانی و دلائل : مردار کا چمڑہ دباغت سے پاک ہوجاتا ہے اسی طرح اس کا پٹھہ بھی دباغت سے پاک ہوجاتا ہے تو وہ بھی پاک ہوجاتا ہے اس کو فروخت کرنے اور اس سے فائدہ اٹھانے اور اس پر نماز پڑھنے میں کوئی قباحت نہیں۔ دلیل یہ ہے۔
سابقہ روایات کا جواب : لا تنتفعوا من المیتۃ اس روایت کا یہ معنی بھی ہوسکتا ہے کہ جب تک وہ غیر مدبوغ رہیں آپ (صلی اللہ علیہ وآلہ وسلم) سے مردار کی چربی کے متعلق سوال کیا گیا تو آپ نے اسی طرح کا جواب دیا یعنی جب تک کھال کے ساتھ چربی لگی ہو تو حرام ہے اور دباغت سے چربی ختم ہوجاتی ہے اسی طرح اس سے مردار کی چربی کی حرمت مراد ہے۔
جیسا اگلی روایت سے واضح ہو رہا ہے۔