Al Tahawi: Hadith 2770

٢٧٧٠: ابو غالب نے انس (رض) سے کہ جناب نبی اکرم (صلی اللہ علیہ وآلہ وسلم) میت پر چار تکبیرات کہتے تھے۔ ان علماء نے حضرت زید بن ارقم (رض) کی وہ روایت جو شروع باب میں مذکور ہوئی اس سے معلوم ہوتا ہے کہ وہ چار تکبیرات کہتے تھے اس مرتبہ کے علاوہ جب انھوں نے پانچ کہیں اور یہ کہنا ممکن نہیں کہ انھوں نے جناب رسول اللہ (صلی اللہ علیہ وآلہ وسلم) کو جو عمل کرتے دیکھا اس کے خلاف عمل کیا ہو اور وہ وہی روایت ہے جس کو ربیع موذن نے ابو شریحہ (رض) کے جنازے کے سلسلہ میں ہے کہ آپ نے اس میں چار تکبیرات پڑھیں اور یہ بھی احتمال ہے کہ اس جنازہ میں پانچ تکبیرات پڑھء ہوں۔ اور حضرت زید (رض) کا ان پر پانچ تکبیرات کہنا اس میت کی وجہ سے ہوسکتا ہے کیونکہ وہ بدری ہیں اور وہ اہل بدر کو دوسروں پر تکبیرات سے فضیلت دیتے تھے۔
تخریج : ابو داؤد فی الجنائز باب ٥٣‘ نمبر ٣١٩٤‘ ابن ماجہ فی الجنائز باب ٢١‘ نمبر ١٤٩٤۔
راجح و مرجوح کے مابین محاکمہ :
حضرت زید بن ارقم (رض) کی پہلی روایت سے جنازے پر چار تکبیر پڑھنا ثابت ہوتا ہے اس موقع سے پہلے جس میں انھوں نے پانچ تکبیرات کہیں اور یہ تو جائز نہیں کہ انھوں نے جناب رسول اللہ (صلی اللہ علیہ وآلہ وسلم) اور فعل کرتے دیکھا ہو اور وہ اس کے خلاف کریں یہ تبھی ہوسکتا ہے کہ جب انھوں نے جناب نبی اکرم (صلی اللہ علیہ وآلہ وسلم) کو دوسر اعمل کرتے دیکھا ہو اور وہ ابو شریحہ (رض) والا واقعہ ہے کہ ان پر آپ نے چار تکبیرات کہیں اب اس جنازے پر پانچ تکبیریں کہنا یہ دو احتمال رکھتا ہے۔
نمبر 1: خاص اس میت کا یہی حکم ہو کہ اس پر پانچ تکبیرات کہی جائیں کیونکہ وہ اہل بدر میں سے ہو اہل بدر کے متعلق صحابہ کرام میں ایک تکبیر زیادہ کہنے کا طریقہ تھا۔