Al Tahawi: Hadith 3010

٣٠١٠: ابوبکر بن محمد بن عمرو بن حزم نے اپنے والد اپنے دادا سے انھوں نے جناب رسول اللہ (صلی اللہ علیہ وآلہ وسلم) سے نقل کیا کہ آپ (صلی اللہ علیہ وآلہ وسلم) نے اہل یمن کو ایک خط لکھا جس میں فرائض و سنن تھے اور اس میں یہ بھی لکھا تھا جس کو بارش سیراب کرے یا بہتا پانی سیراب کرے یا کھجور کا درخت نہر کے کنارے ہو اس میں عشر ہے جبکہ پانچ وسق کو پہنچ جائے اور جو اسی یا راہٹ سے پلایا جائے اس میں نصف عشر ہے بشرطیکہ مقدار پانچ وسق تک پہنچ جائے۔ امام طحاوی (رح) فرماتے ہیں کہ علماء کی ایک جماعت نے ان آثار کو اختیار کیا کہ گندم ‘ جو ‘ کھجور ‘ کشمش جب تک پانچ وسق نہ ہوں ان میں صدقہ نہیں ۔ اسی طرح ہر وہ چیز جو زمین سے نکلے مثلاً چنا ‘ مسور ‘ ماش وغیرہ اجناس میں بھی پانچ وسق کی مقدار سے کم کم میں زکوۃ نہیں ہے۔ اس قول کو امام ابو یوسف ‘ محمد اور اہل مدینہ رحمہم اللہ نے اختیار کیا ۔ مگر علماء کی دوسری جماعت نے ان سے اختلاف کرتے ہوئے قلیل و کثیر میں صدقے کو لازم کیا ہے۔
لغات : الرشاء۔ ڈول و رسّی سے سیراب ہو۔ بعل۔
ان روایات سے معلوم ہوتا ہے کہ زمینی پیداوار میں چنا ‘ مسور ‘ ماش وغیرہ ان میں سے کسی بھی چیز میں صدقہ لازم نہیں جب تک پانچ وسق نہ ہوجائیں پانچ وسق کی مقدار متعین ہے اس سے کم پیداوار میں عشر نہیں ہے۔