Al Tahawi: Hadith 3174

٣١٧٣: عطاء نے عائشہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے سفر میں روزہ بھی رکھا اور افطار بھی کیا ہے۔ یہ اس بات کی واضح دلیل ہے کہ مسافر کو روزہ رکھنا اور چھوڑنا بھی جائز ہے اور حضرت حمزہ اسلمی (رض) نے جناب رسول اللہ (صلی اللہ علیہ وآلہ وسلم) سے سفر کے روزے سے متعلق وال کیا تو آپ نے فرمایا اگر چاہو تو روزہ رکھ لو اور اگر چاہو تو افطار کرو۔ روایات ذیل میں درج ہیں۔
اس روایت سے یہ بات ثابت ہوتی ہے کہ مسافر کو روزہ رکھنے اور افطار کرنے میں اختیار حاصل ہے خود حمزہ اسلمی (رض) نے سفر میں روزہ رکھنے کے متعلق پوچھا تو آپ نے فرمایا اگر چاہو تو روزہ رکھ لو اور اگر چاہو تو افطار کرلو۔
تخریج : بخاری فی الصوم باب ٣٣‘ مسلم فی الصوم ١٠٣‘ ابو داؤد فی الصوم باب ٤٣‘ ترمذی فی الصوم باب ١٩۔